Бишкек, 17.02.21. /Кабар/. 2021-жылы 16-февралда КР Улуттук коопсуздук мамлекеттик комитетинин Чек ара кызматынын Чүй облусу боюнча башкармалыгынын чек арачылары мамлекеттик чек арадан мыйзамсыз өтүүгө аракет кылган Кыргызстандын 2 жаранын кармашкан. Бул тууралуу УКМКнын Чек ара кызматынын басма сөз кызматы билдирди.
Маалыматка ылайык, чек арачылар кызмат өтөө учурунда Чу дарыясы аркылуу Казакстандан Кыргызстанга мыйзамсыз кирүүгө багыт алган 2 жаранды кармап, мамлекеттик чек арадан мыйзамсыз өтүүгө бөгөт коюшкан.
Суракка алуунун жүрүшүндө мыйзам бузгандар КР жарандары 1984-жылы туулган Ю.С. жана 1981-жылы туулган В.М. экени белгилүү болгон.
Тиешелүү документтер толтурулгандан кийин кармалгандар андан ары чара көрүү үчүн тиешелүү органга өткөрүлүп берилди.
Пикир
Оставить комментарий