Бишкек, 24.03.22. /Кабар/. КР экономика жана финансы министри Данияр Амангелдиев социалдык-экономикалык чакырыктарга ыкчам аракеттенүү боюнча министрлер кабинетинин жыйынында 2022-жылга карата Антикризистик чаралар планын көрсөттү.
Анын айтымында, планда дыйкан жана фермерлер үчүн жеңилдетилген насыяларды берүү, жазгы талаа иштеринде дыйкандарды үрөн, жер семирткич, күйүүчү-майлоочу май менен камсыздоого көмөктөшүү, ирригациялык курулуштарды оңдоого жана калыбына келтирүүгө каражат бөлүү каралган.
“Бул үчүн дээрлик 37 млрд сом суммасында каражат каралган”, - деди ал.
Мындан тышкары, ведомство башчысы белгилегендей, жалпысынан планды ишке ашырууга 117 млрд 7 млн сом зарыл, анын ичинен республикалык бюджеттен түз чыгымдар 82 млрд сомго жакынды түзүш керек.
Ошентип, Антикризистик чаралар планы 7 багыт боюнча топторго бөлүнгөн:
-азык-түлүк коопсуздугун камсыздоо жана артыкчылыктуу товарлардын баасын турукташтыруу чаралары;
- социалдык колдоо жана иш менен камсыз кылуу чаралары;
- каржылык туруктуулук менен камсыздоо чаралары;
- ишкерлерди колдоо чаралары;
- инвестиция тартуу чаралары;
- товар жүгүртүүнү көбөйтүү чаралары;
- мамлекеттик бюджеттин туруктуулугун камсыздоо чаралары.
Пикир
Оставить комментарий