Бишкек, 06.08.21. /Кабар/. Бүгүнкү күндө инсульт ооруларынын саны көбөйүп, өзгөчө жашарып бара жатканы байкалууда. Бул тууралуу брифинг учурунда Улуттук госпиталдын №3 неврология бөлүмүнүн невролог дарыгери Дариха Бакаева билдирди.
Анын айтымында, муну неврологдор COVID-19 оорусунун кесепети менен байланыштырып жатышат. «Себеби коронавирустун эң биринчи белгилеринин бири - бул майда кан тамырларда кан бүртүкчөлөрү пайда болуп, алардын сезгенүүсүнө алып келет», - деди ал.
Дарыгер кошумчалагандай, коронавирус менен ооруп айыккандарда да көпчүлүк учурда мээге кан куюлуу, ишемиялык инсульт, Гийена-Барре синдрому, узак убакытка чейин чарчоо, уйкусуздук, алсыздык, коркунуч, көңүл чөгүү, эс тутумдун начарлоосу башка жугуштуу ооруларга караганда көп кездешүүдө.
Пикир
Оставить комментарий