Бишкек, 20.09.23. /Кабар/. Тышкы иштер министринин биринчи орун басары Асеин Исаев БУУнун Баңгизаттар жана кылмыштуулук боюнча башкармалыгынын Борбордук Азия боюнча аймактык өкүлү Ашита Митталды кабыл алды.
Ведомстводон билдиришкендей, жолугушууда Исаев БУУ БКБнын Кыргызстандагы ишмердүүлүгүнө оң баа берип, Кыргызстан аталган башкармалык менен долбоордук жана программалык кызматташууну кеңейтүүгө ниеттенип жатканын белгиледи.
Ошондой эле Исаев БУУ БКБнын Бишкек шаарында террористтик мүнөздөгү кылмыштар үчүн соттолгондор үчүн пробацияны көзөмөлдөө боюнча аймактык форумун өткөрүүнүн маанилүүлүгүн белгиледи. Иш-чарага Борбордук Азия мамлекеттеринин жана пробация системасынын 60тан ашык эксперттери жана кызматкерлери, ошондой эле эл аралык уюмдар жана жарандык коом катышууда. Бул форум Ирактагы түрмөлөрдөн жана Сириядагы лагерлерден аймактын жарандарын мекенине кайтаруу жана аларды коомго андан ары кайра интеграциялоо контекстинде өзгөчө мааниге ээ.
Ошондой эле жолугушууда БУУ БКБнын дени сак, баңгисиз коом маселеси боюнча жаштар лидерлеринин жана уюмдарынын Улуттук тегерек үстөлүн уюштуруусу да белгиленди. Иш-чарада баңгичиликтин алдын алуу боюнча Борбор Азиянын жаштар уюмдарынын аймактык тармагынын долбоору башталат.
Тараптар БУУнун БКБнын ишке ашырылып жаткан мандатынын алкагында долбоорлорду илгерилетүү боюнча биргелешип иштөөнү улантууну жана келерки жылдын башында БУУ БКБнын жетекчилигинин Кыргызстанга расмий сапарын уюштурууну макулдашты.
Пикир
Оставить комментарий