Көк-Жар конушунда бала бакча өрттөнүп жатат – видео

Бишкек, 10.10.19. /Кабар/. Көк-Жар конушунда бала бакча өрттөнүп жатат. Бул тууралуу окуянын күбөлөрү кабарлашты.

Маалыматка ылайык, өрттөнүп жаткан аймакта өрт өчүрүүчүлөр иштеп жатышат.

Күбөнүн айтымына караганда, балдардын бардыгын сыртка алып чыгышты, азырынча жабыркагандар тууралуу маалымат жок.

Өзгөчө кырдаалдар министрлигинен кабарлашкандай, Көк-Жар калктуу конушунун Көк-Жар көчөсүндө жайгашкан бала-бакчанын аймагында көмөк чордондон өрт чыккандыгы тууралуу маалымат түшкөн.

Өрттү өчүрүүгө жалпы 3 бөлүм тартылган. Кошумча маалымат берилет.