Бишкек, 06.12.21. /Кабар/. Кара-Кече көмүр кенинде тазалоо иштери жүрүүдө, ошондуктан жеке жүк ташуучу унаалар үчүн көмүр берилбей жатат. Бул тууралуу "Кабар" агенттигине "Кыргыз көмүр" ишканасынын маалымат кызматынан кабарлашты.
Ишканадан билдиришкендей, учурда көмүр калкка 3 миң сомдон сатуу үчүн жана Бишкек ЖЭБине үзгүлтүксүз негизде берилүүдө.
"Тазалоо иштери бир жумага созулат", - деп кошумчалашты ведомстводон.
Белгилей кетсек, Кара-Кече көмүр кенинде жеке жүк ташуучу унаалардын айдоочулары нааразылык акциясына чыгышкан. Алар көмүр кени жеке ишкерлер үчүн жабык экендигин билдирип, аларга көмүр сатылбай жатканына нааразы болушкан.
Пикир
Оставить комментарий