Бишкек, 26.02.20. /Кабар/. Кувейттин хоккей боюнча курамасы коронавирустан улам Бишкектеги IV дивизиондогу Дүйнө чемпионатына келбейт. Бул тууралуу Кыргызстандын Хоккей федерациясынан билдиришти.
Белгилей кетсек, мелдеш 3-5-мартта болуп өтөт.
"Бүгүн Кувейттин шейхинин чечими менен өлкөдө коронавирустун чыгышына жана карантин киргизилгендигине байланыштуу Кувейттин курамасы дүйнө чемпионатына катышпайт. Аларга бардык оюндарда техникалык жеңилүү – 5-0 эсеби жазылат", - деп билдиришти федерациядан.
Оюндардын алдын ала жадыбалы:
3-март
19:30 – мелдештин ачылышы;
20:00 – Кыргызстан-Филиппин;
4-март
20:00 – Филиппин-Малайзия;
5-март
18.00 – Кыргызстан-Малайзия;
20.00 – мелдештин жабылышы.
Пикир
Оставить комментарий