Бишкек, 08.01.19. /Нуржигит Бейшебаев - Кабар/. Бангладештин борбору Дакка шаарында өтө турган эл аралык кинофестивалга Кыргызстандан 5 тасма катышат. Ал ушул жылдын 10-18-январь күндөрү өтөт. Бул тууралуу Кыргызстандын Кинематографияны өнүктүрүү фонду кабарлады.
17-ирет өтүп жаткан бул фестивалды “Rainbow” (“Күн желеси”) кино коомчулугу өткөрүүдө.
Аталган фестивалда 72 өлкөдөн келген 220 тасма бир нече сынактык программада ат салышат.
Бул эл аралык фестивалдагы негизги сынакка – азиялык тасмалардын сынагына Айбек Дайырбековдун “Дарак ыры”, режиссер айымдардын тасмалары катышкан бөлүктө Елизавета Стишованын “Сулайман -Тоо” жана Чолпонай Бөрүбаеванын “Өмүр” тасмалары ат салышат.
Ошондой эле фестивалда Айзада Алымбек кызынын “Өзөк”, Асель Чоткараеванын “Периште” фильмдери көрсөтүлөт.
Пикир
Оставить комментарий