Бишкек, 29.12.21. /Кабар/. Кыргызстанда бир суткада 10 өрт кырсыгы катталып, өрттү өчүрүүгө 14 бөлүм тартылган. Бул тууралуу Өзгөчо кырдаалдар министрлигинин басма сөз кызматы билдирет.
Маалыматка ылайык, Бишкек шаарында 3, Чүй облусунда 2, Ош облусунда 1, Жалал-Абал облусунда 1, Ысык-Көл облусунда 2, Баткен облусунда 1 өрт кырсыгы катталган.
Бишкек шаарынын Ленин районунда турак үйдүн от жагуучу бөлмөсүнүн 10 чарчы метр жыгач шыбы жана телевизор күйгөн. Өрттүн себеби такталууда.
Ош облусунун Кара-Суу районундагы Жийделик айылында турак үйдүн 25 чарчы метр жер төлөсү, ичинде жыйылган отун, курулуш материалдары, унаанын төрт дөңгөлөгү жана кийим-кечелер күйгөн. Өрттүн себеби такталууда.
Чүй облусунун Жайыл районундагы Жайыл айылында турак үйдүн 20 чарчы метр бөлмөсү жана үй эмеректери күйгөн. Өрттүн себеби такталууда
Ысык-Көл облусунун Тоң районундагы Бөкөнбаев айылында турак үйдүн короосунда "Газ-52" үлгүсүндөгү оор жүк ташуучу унаа толугу менен күйгөн. Өрттүн себеби такталууда
Баткен облусунун Баткен районундагы Кара-Булак айылында турак үйдүн бир бөлмөсүнүн 21 чарчы метр жыгач шыбы жана үй тиричилик буюмдары күйгөн. Өрттүн себеби такталууда.
Пикир
Оставить комментарий