Бишкек, 11.11.19. /Кабар/. 11-17-ноябрь күндөрү Кыргызстанда жашыл экономика жумалыгы болуп өтөт. Жашыл экономика жумалыгы тууралуу "Кабар" агенттигиндеги маалымат жыйында Экономика министрлигинин статс-катчысы Айдин Шаршеев айтып берди.
Анын айтымында, 15-ноябрь күнү мааракелик форум өткөрүлүп, ал аймактарда жашыл экономиканын өнүгүшүнө арналат.
Шаршеев белгилегендей,Кыргызстанда 2019-2023-жылдарга карата жашыл экономиканы өнүктүрүү программасы иштелип чыкты.
"Жумалыктын негизги максаты – жашыл экономиканын принциптерин жайылтууну көздөгөн адамдардын башын бириктирүү жана өлкөнүн аймактарын өнүктүрүүдө алардын колдонулушунун пайдасы менен мүмкүнчүлүктөрүн көрсөтүү", - деди ал.
Шаршеевдин билдиргени боюнча, жашыл экономика жумалыгында өлкөнүн аймактарында жашыл экономиканы жайылтуу жана өнүктүрүү жолдорун белгилөө, өлкөнүн аймактарын өнүктүрүү маселелерине көңүл бурулат.
Жумалыктын алкагында өлкө боюнча 37 иш-чара өткөрүү пландалууда.
Пикир
Оставить комментарий