Бишкек, 12.11.21. /Кабар/. 2022-жылдагы Кыргызстандын калкын каттоого COVID-19 боюнча суроолор киргизилди. Бул тууралуу маалымат жыйынында Улуттук статисткалык комитеттин статистикалык каттоо бөлүмүнүн адиси Айзада Тукашева билдирди.
Анын айтымында, сурамжылоонун катышуучуларына эки суроо кошулат - COVID-19 менен ооругансызбы? Стационарга кайрылгансызбы?
Ал белгилегендей, ошондой калктын миграциясы, жашап жаткан турак жайда жылуулук бар же жоктугу, респонденттин чет өлкөдө 1 жылдан ашык жүргөн жакындары барбы же жокпу деген суроолор да камтылат.
Адистин маалыматына ылайык, учурда эл каттоочулар үчүн жеке коргонуу каражаттары сатылып алынган, кызматкерлердин саны болжол менен 28 миңди түзөт.
Пикир
Оставить комментарий