Бишкек, 18.12.19. /Кабар/. Кышкы турсезондун расмий ачылышы 28-декабрга жылдырылды. Бул тууралуу КРнын Маданият, маалымат жана туризм министрлигинин басма сөз кызматынан кабарлашты.
“Күтүлбөгөн кырдаалдарга жана “Ак-Түз” тоо лыжа базасында кардын жоктугуна байланыштуу 2019-2020-жылдардын кышкы турсезонунун расмий ачылышы 28-декабрга жылдырылды”, - деп айтылат маалыматта.
Ал эми иш-чаранын программасы өзгөрүүсүз калат.
Иш-чаранын алкагында коноктор үчүн өнөктөштөрдөн баалуу байгелер коюлган конкурстар, оюн-зооктор жана эстафеталар уюштурулган. Андан тышкары, концерттик программа жана тоо лыжа жана сноуборддорду тебүү боюнча түшүндүрмөлөр өткөрүлөт.
Бардык каалоочулар үчүн Бишкектен атайын транспорт уюштурулат.
Пикир
Оставить комментарий