Бишкек, 20.02.20. /Кабар/. Бүгүн Чыңгыз Айтматов атындагы кино үйүндө Улуу Ата Мекендик согуштагы жеңиштин 75-жылдыгына арналган тасмалар көрсөтүлө башталды.
Көрүнүктүү адамдар жана кино тармагындагы белгилүү инсандар Кыргызстандагы шаарларды кыдырып, согуш тасмаларын коюшат. Алардын катарында "Саманчынын жолу", "Ленинградчылар, менин балдарым" тасмалары да бар.
"Иш-чара өлкөнүн бардык кинотеатрларында жана кинодирекцияларында көрсөтүлөт. Биздин киностудиядан жана Советтер союзу учурунда тартылган 20дан ашык тасманы тандап алдык", - дейт Киноматография департаментинин директорунун орун басары Айзада Усупбекова.
Уюштуруучулардын айтымында, бардык каалоочулар тасмаларды акысыз көрө алат.
Бишкек тургундары эртең да тасмаларды көрө алат, андан кийин кербен Ош шаарына барат.
Пикир
Оставить комментарий