Бишкек, 4-апрель /Кабар/. Ош шаарында 11 килограммдан ашык опиум менен чет элдик жаран кармалды. Бул тууралуу КРнын Улуттук коопсуздук мамлекеттик комитетинин басма сөз кызматы билдирди.
Маалыматка ылайык, 4-апрелде комитеттин кызматкерлери Ош шаарында ыкчам-издөө иш-чарасынын жүрүшүндө 33 жаштагы чет элдик жаранды кармашкан, анын унаасын текшерүүдө 11 килограмм опиум табылган.
“Аталган факты боюнча КРнын Кылмыш кодексинин 247 (баңги затын мыйзамсыз айландыруу) жана 204-беренелери (аткезчилик) боюнча кылмыш иши козголду”,-деп билдирди басма сөз кызматынан.
Кармалган жаран УКМКнын СИЗОсуна камалды. Тергөө жүрүп жатат.
Пикир
Оставить комментарий