Бишкек, 17.03.21. /Кабар/. Кечээ, 16-мартта Ахматбек Сүйүнбаев атындагы стадиондо “Алай” футбол клубу Шоро Премьер лигасынын жаңы сезонунун биринчи турунун алкагында “Каганат” футбол клубун кабыл алды.
“Алай” командасынын биринчи оюнунун ачылышына клубдун президенти – Ош шаарынын мэри Таалайбек Сарыбашев катышып, эки команданын оюнчуларына ийгиликтерди каалап, бул жылы “Алай” командасы жаңы чыгып келе жаткан жаш оюнчуларга басым жасаганын белгиледи.
Беттештин жыйынтыгында “Алай” 2:1 эсебинде жеңишке жетти. Эрлан Машрапов жана Эльдар Мамажунусов гол тебишти. Оюндун аягында “Каганат” командасынын оюнчусу Шерзот Шакиров бир гол тепти.
Эскерте кетсек, 19-мартта “Алай” ФК өзүнүн талаасында Канттык “Абдыш-Ата” командасын кабыл алат.
Пикир
Оставить комментарий