Бишкек, 19.11.21./Кабар/. 2021-жылдын 18-ноябрында Кыргыз Республикасынын тышкы иштер министри Руслан Казакбаев Россиянын Кыргызстандагы элчиси Николай Удовиченко менен жолугушту. Бул тууралуу КР ТИМдин маалымат кызматы билдирет.
Маалыматка ылайык, тараптар кыргыз-россия эки тараптуу кызматташтыгынын актуалдуу маселелерин, эл аралык уюмдардын алкагындагы өз ара аракеттенүүнү талкуулашты, регионалдык коопсуздук маселелери боюнча пикир алмашышты, ошондой эле жогорку денгээлдеги тышкы саясий иш-чараларды уюштуруу боюнча келерки жылга пландарды талкуулашты.
2022-жылы Кыргызстан менен Россиянын ортосунда дипломатиялык мамилелердин түзүлгөндүгүнүн 30 жылдыгына чоң маани берип, тараптар тарыхый датага карата биргелешкен иш-чараларды уюштуруу зарылдыгын белгилешти.
Министр менен элчи кыргыз-россия мамилелерин союздаштык жана стратегиялык өнөктөштүк духунда бекемдөө максатында мындан аркы активдүү өз ара аракеттенүүгө даяр экендиктерин билдиришти.
Пикир
Оставить комментарий