• 79.5
  • 83.15
  • 1.47
Кыргызское национальное информационное агентство «Кабар»

Садыр Жапаров Москвадан Абу-Даби шаарына учуп кетти

Президент 0

Бишкек, 17.05.22. /Кабар/. Президент Садыр Жапаровдун Москвага болгон иш сапары аяктап, бүгүн, 17-майда, Абу-Даби шаарына (Бириккен Араб Эмираттары) багыт алды. Бул тууралуу КР президентинин басма сөз кызматынан билдиришти.

Маалыматка ылайык, Жапаров БАЭ президенти Шейх Халифа бин Заид Аль Нахаяндын каза болгондугуна байланыштуу аза күтүү иш-чараларына катышат.

Белгилей кетсек, Садыр Жапаров 16-майда Москвада өткөн Жамааттык коопсуздук келишими уюмуна (ЖККУ) мүчө мамлекеттердин башчыларынын жыйынына катышты.

Жамааттык коопсуздук жөнүндө келишимдин 30 жылдыгына жана ЖККУнун 20 жылдыгына арналган ЖККУнун мааракелик жыйынына Россиянын президенти Владимир Путин, Армениянын премьер-министри Никол Пашинян, Беларустун президенти Александр Лукашенко, Казакстандын президенти Касым-Жомарт Токаев жана Тажикстандын президенти Эмомали Рахмон катышты.

ЖККУга мүчө мамлекеттердин лидерлери бир катар биргелешкен документтерге кол коюшту.

Пикир

Оставить комментарий