Волейбол чемпионаты: Жогорку лиганын 27-февралдагы оюндардын жыйынтыгы

Бишкек, 28.02.20. /Кабар/. Эркектер арасында волейбол боюнча Кыргызстандын чемпионатынын жогорку лигасынын экинчи туру Бишкекте өтүүдө. Бул тууралуу Волейбол федерациясынан кабарлашты.

Жогорку лигада 12 команда эки тайпага бөлүнүп күч сынашууда. Алар "Энергетик", "Ош", "Кадамжай", "Теңир-Тоо", "Чаткал", "БАПА Барскоон", "Динамо" "Салам-Алик", "Билим", "Университет", "Сары-Өзөн", "Ала-Бука" командалары.

Оюндар шаардагы Каба уулу Кожомкул атындагы спорт сарайында жүрүүдө. 27-февралда 6 оюн болуп өттү. Ал күндөгү оюндардын жыйынтыгы:

"Сары-Өзөн" – "Ала-Бука" - 3:1 (33-31; 25-16; 17-25; 25-12)

"Университет" – "Салам-Алик" - 3:0 (25-14; 25-23; 25-20)

"Билим" - "Динамо" - 0:3 (20-25; 20-25; 23-25)

"Чаткал" – "БАПА Барскоон" - 1:3 (25-21; 21-25; 24-26; 21-25)

"Теңир-Тоо" - "Ош" - 3:0 (25-17; 25-22; 25-21)

"Кадамжай" – "Энергетик" - 1:3 (21-25; 20-25; 25-15; 22-25).

Эскерте кетсек, волейбол чемпионатынын биринчи туру 25-29-январда Ош шаарында өткөн. Анда "Энергетик" жана "Динамо" командалары жеңүүчү аталган.