Бишкек, 10.04.20. /Кабар/. Өзбекстан коронавирустун алдын алууга көмөктөшүү максатында Тажикстанга гуманитардык жардам жөнөттү. Бул тууралуу УзА маалымат агенттиги кабарлады.
Гуманитардык жардам жүктөлгөн поезд 9-апрелде Өзбекстандын Сурхандарыя облусунан Душанбеге жөнөп кетти.
«Жардамдын курамында коргонуу комбинезондору, көз айнектер, суюк натрий гипохлорити, респираторлор, кол каптар жана ун бар», — деп жазылган агенттиктин билдирүүсүндө.
Өзбекстан коронавирустун жайылып жаткандыгына байланыштуу буга чейин Кытайга, Иранга, Афганистанга жана Кыргызстанга гуманитардык жардам берген.
Тажикстанда расмий коронавирус жуктуруп алган адамдар каттала элек.
Пикир
Оставить комментарий