Бишкек, 29.04.21. /Кабар/. Жалал-Абад облусунда 157 үй-бүлө коопсуз аймакка көчүрүлдү. Бул тууралуу өкмөттүн Жалал-Абад облусундагы өкүлчүлүгүнүн басма сөз кызматынан кабарлашты.
Маалыматка ылайык, бүгүнкү күндө облустун аймагындагы кооптуу тилкелерде жалпысынан 1 миң 286 кожолук жашайт. Кооптуулукту жоюу максатында 1 миң 170 жолу жеке жарандарга жана айыл аймак башчыларына атайын эскертме берилген.
Ушул жылдын 10-апрелине карата 5 үй-бүлө толук, 157 үй-бүлө убактылуу жайларга көчүрүлгөн. Берилген эскертүүлөргө карабай жашап келе жаткан 35 үй-бүлөнүн иши сот органдарына өткөрүлгөн.
Облустун үч айлык жыйынтыгын чыгарган коллегияда облус башчысы Абсаттар Сыргабаев ар бир жарандын өмүрү кымбат экенин айтып, жумуштарды тездетүү керектигин билдирди.
Пикир
Оставить комментарий