Бишкек, 15.05.23. /Кабар/. Жалал-Абад шаарындагы М.Бабкин атындагы №1 мектеп-гимназиясына кошумча окуу корпусу курулуп жатат. Бул тууралуу шаардык мэриядан билдиришти.
Маалыматка ылайык, кошумча корпустун имараты 3 кабаттан туруп, 375 орунга ылайыкташылган. Учурда имараттын курулушунун 34 пайызы аяктап калды.
Мэриядан белгилешкендей, имараттын курулушу 2022-жылы башталган.
Белгилей кетсек, Архитектура, курулуш жана турак жай-коммуналдык чарба мамлекеттик агенттигинин 2021-2022-жылдын “Капиталдык салымдар” беренеси боюнча республикалык бюджеттин эсебинен каржылануучу объекттердин тизмесине ѳтѳ кооптуу абалдагы М.Бабкин атындагы №1 мектеп-гимназиясынын жаңы окуу корпусун куруу иши киргизилген болчу.
Окуу жайдын имаратынын курулушуна 75 млн 317 миң сом бөлүнгөн.
Пикир
Оставить комментарий