Бишкек, 27.03.24. /Акназик Тургунбаева — Кабар/. Жалал-Абад шаарында күйөөсүн өлтүрүүгө шектелип 52 жаштагы Л.С аттуу жаран кармалды. Бул тууралуу облустук милициядан кабарлашты.
Милициянын маалыматы боюнча, үстүбүздөгү жылдын 25-мартында саат 21:40 чамасында Жалал-Абад шаарындагы батирлердин биринде аял киши өзүнүн күйөөсүн учтуу нерсе менен сайып, натыйжада денесинен алган жараатынан улам күйөөсү окуя болгон жерде каза болгондугу тууралуу маалымат келип түшкөн.
Жалал-Абад ШИИБдин ыкчам-тергөө тобу, жетекчилиги прокуратура кызматкерлери менен бирге окуя болгон жерге барып тийиштүү эскпертизалар дайындалып, бир бычак далил буюм катары алынган.
Аталган факты боюнча кылмыш иши козголду, тергөө иштери уланууда.
Пикир
Оставить комментарий