Бишкекте маршрут айдап бара жатып кино көргөн айдоочу кармалды

Коом 0

Бишкек, 03.08.18 /Кабар/. Бишкекте маршрут айдап бара жатып кино көргөн №128 маршруттун айдоочусу кармалды. Бул тууралуу Ички иштер министрлигинин Жол кыймылынын коопсуздугун камсыздоо башкы башкармалыгынын басма сөз кызматынан билдиришти.

Маалыматка караганда, 1-августта социалдык тармактарда коомдук транспорттун айдоочусу жолдо унаасында кино көрүп жаткан видео жарыяланган.

Жол кыймылынын коопсуздугун камсыз кылуу башкармалыгынын Бишкек боюнча техникалык бөлүмү № 128 маршруттун айдоочусу Билимбек Токтоназаровду кармаган.

Айдоочуга карата административдик иш козголгон. Техникалык бөлүмдүн башчысы Белек Алымов Токтоназаров жана маршруттун бригадири менен сүйлөшүп, алдыда мындай бузууга жол бербөөсүн айткан.

Пикир

Оставить комментарий