Бишкек, 28.01.20. /Кабар/. Жогорку Кеңештин Эл аралык иштер, коргоо жана коопсуздук боюнча комитети КР Өкмөтү менен Монголия Өкмөтүнүн ортосундагы аскер тармагындагы кызматташтык жөнүндө макулдашуу боюнча ратификациялык мыйзам долбоорунун концепциясын жактырды. Бул тууралуу Жогорку Кеңештин басма сөз кызматы билдирди.
Макулдашуу Кыргызстан менен Монголиянын куралдуу күчтөрүнүн ортосунда эки тараптуу аскердик кызматташтыкты өнүктүрүү жөнүндө жетишилген макулдашуулардын алкагында даярдалган жана кол коюлган.
Эки тараптуу макулдашуу төмөнкү багыттар боюнча кызматташууну камтыйт:
Аскедик-техникалык кызматташуу;
Аскердик өнөр-жай;
Аскердик билим жана технология;
Тынчтыкты сактоо иш-аракети.
Пикир
Оставить комментарий