«TEZ JET» авиакомпаниясынын аба кемесинин командири Дмитрий Палашкин «Эрдик» медалы менен сыйланды

Бишкек, 29.08.19. /Кабар/. Президент Сооронбай Жээнбеков кол койгон жарлыкка ылайык, кызматтык жана жарандык милдетин аткарууда өмүргө коркунуч келтирген шарттарда жасаган кайраттуу жана чечкиндүү аракеттери үчүн «TEZ JET» авиакомпаниясынын аба кемесинин командири Дмитрий Юрьевич Палашкин «Эрдик» медалы менен сыйланды. Бул тууралуу президенттин аппаратынын маалыматтык саясат бөлүмү билдирди.