Бишкек, 25.11.19. /Кабар/. Бүгүн, 25-ноябрда Жалал-Абад облусунда "Футбол баары үчүн" аталышындагы фестиваль болуп өттү. Бул тууралуу Футбол федерациясынын басма сөз кызматы билдирди.
Жалал-Абад облусунун "Курманбек" стадионундагы фестивалга шаардык билим берүү мекемелеринен жана футболдук ийримдеринен 6-12 жаштагы 120 бала катышты.
"Стадиондун 6 футболдук аймагында машыктыруучулардын көзөмөлүндө балдар өздөрүн футболчу катары сезип, бир катар футболдук ыкмаларды үйрөнүштү", - деп айтылат маалыматта.
Белгилей кетсек, 27-ноябрда фестиваль Чолпон-Ата шаарында уланат.
Пикир
Оставить комментарий