Бишкек жана Ош шаарларында спорттун 16 түрү боюнча КР ЖОЖдорунун чемпионаты өтөт

Бишкек, 23.03.24. /Кабар/. Үстүбүздөгү жылдын 25-мартынан 28-апрелине чейин Бишкек жана Ош шаарынын спорттук базаларында спорттун 16 түрү боюнча Кыргызстандын жогоркуу окуу жайларынын арасында чемпионат өтөт.

Дене тарбия жана спорт департаментинен билдиришкендей, спорттук иш-чаранын негизги максаты - дене тарбия жана спортту студенттердин күнүмдүк турмушуна киргизүү, республикалык жана эл аралык мелдештерге катышуу үчүн күчтүү спортчуларды аныктоо болуп саналат.

Чемпионат спорттун төмөнкү түрлөрү боюнча өтөт:

• баскетбол;
• тогуз коргоол;
• стол теннис;
• шахмат;
• бокс;
• кыргыз күрөш;
• дзюдо;
• оор атлетика;
• самбо;
• футзал;
• сууда сүзүү;
• ордо;
• жеңил атлетика;
• эркин күрөш;
• грек-рим күрөшү;
• кыз-келиндер күрөшү.