• 84.8
  • 102.34
  • 1.12

Бишкек ЖЭБин модернизациялоо боюнча иш: Айыпталуучулар акыркы сөзүн айтты

Укук тартиби 0

Бишкек, 06.12.19. /Кабар/. Бүгүн Бишкек шаарынын Свердлов райондук сотунда Бишкек Жылуулук электр борборун (ЖЭБ) модернизациялоо иши боюнча ачык соттук жараян өтүүдө. Сотто Инара Гилязетдинова төрагалык кылууда.

Cот айыпталуучуларга акыркы сөз берип, биринчи болуп мурдагы өкмөт башчы Жантөрө Сатыбалдиев сүйлөдү.

"Урматтуу сот, чечим кабыл алганда менин күнөөлүү эмес экенимди эске алыңыз. Сиздин кесипкөйлүгүңүзгө, калыстыгыңызга ишенем", - деди ал.

Андан кийин бул иш боюнча баардык фигуранттар – мурдагы премьер-министр Сапар Исаков, ЖКнын депутаты Осмонбек Артыкбаев, Улуттук энерго холдингдин мурдагы башчысы Айбек Калиев, “Электр станциялары” ишканасынын мурдагы башкы директору Салайдин Авазов, Улуттук энерго холдингдин башчысынын мурдагы орун басары Жолдошбек Назаров, Бишкек ЖЭБин модернизациялоо башкарма тобунун директору Темирлан Бримкулов жана мурдагы финансы министри Ольга Лавровалар сөз сүйлөп, күнөөсү жок экенин жана камактан чыгарууну өтүнөрүн билдиришти.

Эскерте кетсек, эксперттердин тыянагы боюнча “Бишкек ЖЭБин модернизациялоо” долбоорун даярдоо, кол коюу жана ишке ашыруудагы коррупция фактысынан мамлекетке 5 млрд. 439 млн. сом көлөмүндөгү зыян келтирилген.

Мындан улам, мурдагы премьер-министр Сапар Исаков, экс-премьер-министр Жантөрө Сатыбалдиев, ЖКнын депутаты Осмонбек Артыкбаев, Улуттук энерго холдингдин мурдагы башчысы Айбек Калиев, “Электр станциялары” ишканасынын мурдагы башкы директору Салайдин Авазов, Улуттук энерго холдингдин башчысынын мурдагы орун басары Жолдошбек Назаров, Бишкек ЖЭБин модернизациялоо башкарма тобунун директору Темирлан Бримкулов жана мурдагы финансы министри Ольга Лавроваларга кызмат абалын кыянаттык менен пайдалануу жана коррупция боюнча айып тагылууда.

Пикир

Оставить комментарий