Бишкек, 13-июль /Айжамал Дуйшоева - Кабар/. Кыргызстандын Түркиядагы элчиси Ибрагим Жунусов 11-июлда Түркиянын президентинин башкы кеңешчиси Ялчын Топчу менен жолукту.
Элчиликтин басма сөз кызматы билдиргендей, тараптар 21-25-июлга чейин белгиленген “Түрк киносунун жумалыгын” өткөрүүнү талкуулашкан.
Иш чаранын алкагында бир катар түрк кинолорун тартуулоо пландалууда. Ошондой эле, жумалыктын гала-ачылышында түрк кинематография тармагындагы белгилүү жылдыздарынын катышуусу күтүлүүдө.
Өз кезегинде Жунусов маданий-гуманитардык иш чараны уюштуруу, кыргыз-түрк элинин достук мамилесин арттырат деп белгиледи.
Түрк тасмалары Бишкектеги “Октябрь” кинотеатрында уюштурулуп, кирүү акысыз болот.
Пикир
Оставить комментарий