Бишкек, 11.04.23. /Кабар/. Бишкектеги Алыкулов Осмонов атындагы Улуттук китепканада "Улуу мурас" хрестоматиялык жыйнагынын бет ачары өтөт. Иш-чара 18-апрелде саат 16:00дө башталат.
Кыргыз улуттук "Манас" театрынан билдиришкендей, Кыргызстанда биринчи жолу өнөр адамдары жана маданий-музыкалык окуу жайлар үчүн даярдалган залкарлардын мурастарын заманбап ыкмада жайылтуу иши колго алынды.
"Жыйнакта Кыргызстанда алгачкы жолу маданият жана искусство жаатында, айтыш, жоктоо, терме, санат-насыят, казал жана көлөмдүү ашыктык, арман ырларынын атайын жаздырылган аудио материалдары текст, нота жана OR kod менен заманбап ыкмада камтылган", - деп айтылат маалыматта.
Жыйнак "Манас" театрынын дастанчыларынын демилгеси менен жазылып, "Кристенсен" фондунун демөөрчүлүгү жана "Дастанчы" коомдук фондунун жетекчилиги астында жарык көрдү.
Пикир
Оставить комментарий