• 79.5
  • 84.64
  • 1.3

Бишкектеги жол кырсыгынан 1 адам каза болуп, 2 жүргүнчү жабыркады

Кырсык 0

Бишкек, 21.01.19. /Кабар/. Бишкектеги 7-апрель жана М. Горький көчөлөрүнүн кесилишинде “Mercedes-Benz” жана “Toyota Avensis” үлгүлөрүндөгү унаалардын катышуусунда жол кырсыгы катталган. Өзгөчө кырдаалдар министрлигинен кабарлашкандай, кырсык бүгүн, 21-январда болжол менен түнкү саат 00:35тер чамасында болгон.

Анын кесепетинен “Toyota Avensis” унаасынын жүргүнчүсү 1985-жылы туулган А.М.Б. аттуу аял каза болгон.

“Toyota Avensis унаасынын айдоочусу 1989-жылы туулган Б.Э.Д жабыркаган эмес. Mercedes-Benz унаасынын айдоочусу 1993-жылы туулган М.Э.М жана жүргүнчүсү 1993-жылы туулган Р.у.Э жабыркаган”, - деп кабарлашты ӨКМ кызматынан.

Кырсык болгон жерге куткаруучулар барып, каза болгон жарандын жансыз денесин унаадан чыгарып, ИИМ кызматкерлерине өткөрүп беришкен. Ал эми жабыркаган адамдарды тез жардам кызматкерлерине өткөрүп беришкен.

Пикир

Оставить комментарий