Бишкек, 21.06.23. /Кабар/. Бишкек шаарынын Малдыбаев көчөсү жарыктандырылууда.
Муниципалитеттен билдиришкендей, шаардыктардын көптөгөн кайрылуулары менен бирге коопсуздукту камсыздоо максатында Малдыбаев көчөсүнө жарыктандыруу чырактары орнотулду.
Аталган көчөнүн түштүк тарабынын Ахунбаев көчөсүнөн Токомбаев көчөсүнө чейинки бөлүгүнө 17 даана торшердик тирөөч, ошондой эле 7 даана темир-бетон мамылар орнотулду.
Учурда "Бишкекжарык" муниципалдык ишканасынын кызматкерлери кабелди тартып, прожекторлорду орнотууда.
Пикир
Оставить комментарий