Бишкек, 28.04.23. /Кабар/. Күн мурун, 27-апрелде Челябинск шаарында “Кыргызстандын туристтик мүмкүнчүлүктөрү” жөнүндө тегерек стол өткөрүлдү.
КР ТИМден билдиришкендей, иш-чараны Екатеринбург шаарындагы Кыргызстандын Башкы консулдугу Челябинск облусунун Экономикалык өнүктүрүү министрлигинин колдоосу менен уюштурду.
Иш-чаранын алкагында Кыргызстандын туристтик потенциалы боюнча Кыргызстандын курорттор ассоциациясынын, “CAT” жана “Info service” компанияларынын жетекчилери кенен презентация өткөрүштү. Иш-чара видеороликтер, Кыргызстандын туристтик жерлерине жол көрсөтүү жана жарнамалык буклеттерди таратуу менен коштолду.
Баяндамалар жана презентациялар россиялык өнөктөштөрдүн кызыгуусун жаратып, алар туризм тармагындагы кыргыз-орус аймактар аралык кызматташтыгын мындан ары өнүктүрүүнүн маанилүүлүгүн белгилешти.
Пикир
Оставить комментарий