Бишкек, 30.09.21. /Кабар/. Бишкек троллейбус башкармалыгынын мобилдик тобу троллейбустарда санитардык эрежелерди сактоо боюнча күчөтүлгөн иштерин улантууда.
Бишкек мэриясынын маалыматына ылайык, 29-сентябрга карата эл көп чогулган аялдамаларда 130дай троллейбус текшерүүдөн өттү.
Рейддин жүрүшүндө коомдук транспорттун салонунда дезинфекциялоочу каражаттардын болушу жана беткап режиминин, аралыктын сакталышы текшерилди.
Белгилей кетсек, санитардык текшерүүнүн максаты - айыппул салуу эмес, шаардыктарга санитардык нормаларды сактоо зарылдыгын эскертүү.
Бишкек мэриясы жарандардан санитардык-эпидемиологиялык нормаларды сактоону өтүнөт.
Пикир
Оставить комментарий