Бишкек, 29.03.23. /Кабар/. Каракол шаарындагы тарыхый имарат капиталдык оңдоп-түзөөдөн өттү, деп билдирет Ысык-Көл облусун өнүктүрүү фонду.
Маалыматка ылайык, учурдагы педагогикалык колледждин ички, сырткы жана чатырын оңдоого фонд жалпысынан 5 млн 900 миң сом бөлгөн.
Имарат болжол менен 1880-жылдардын башында курулган, андыктан курулушчуларга тарыхый имаратты оңдоп-түзөөдө баштапкы келбетин өзгөртпөө тапшырмасы коюлган.
"Учурунда аталган имаратта кыргыз интеллигенциясынын көрүнүктүү инсандары тарбия алышкан. Андыктан бул имараттын тарыхый баалуулугу өтө чоң мааниге ээ. Азыркы күндө бул жай педогогикалык колледж катары келечектеги агартуучуларды тарбиялоодо", - деп айтылат маалыматта.
Пикир
Оставить комментарий