Бишкек, 05.04.21. /Кабар/. Бүгүн, 5-апрелде Корея Республикасынын Улуттук жыйынынын төрагасы Пак Бёнг Сок баштаган парламенттик делегация "Ата-Бейит" мемориалдык комплексине барып, 1916-жылдагы Үркүн улуттук-боштондук кыймылынын 100 жылдыгына арналып тургузулган мемориалдык эстеликке гүлчамбар коюшту.
Жогорку Кеңештин басма сөз кызматынан билдиришкендей, делегацияны Жогорку Кеңештин депутаты Сайдулла Нышанов коштоп барды.
Белгилей кетсек, 3-апрелде Корея Республикасынын Улуттук жыйынынын төрагасы Пак Бёнг Сок Кыргызстанга расмий иш сапары менен келген. Сапардын алкагында бир катар жогорку деңгээлдеги жолугушуулар өткөрүлүүдө.
Пикир
Оставить комментарий