ШКУ байкоочулар миссиясы Кыргызстандагы шайлоону легитимдүү деп тааныды

Шайлоо 2021 0

Бишкек, 11.01.21. / Кабар/. Кыргызстандын президентин мөөнөтүнөн мурда шайлоо жана референдум КР мыйзамдарына жана эл аралык талаптарга ылайык өттү. Бул тууралуу маалымат жыйынында ШКУнун башкы катчысы Владимир Норов билдирди.

Анын айтымында, ШКУнун байкоочулар миссиясы тарабынан улуттук шайлоо мыйзамдарынын ченемдеринин бузулгандыгы белгиленген жок.

“Миссия Кыргызстанда президентти шайлоо жана референдум ачык, эркин жана мыйзамдуу өттү деп тааныйт”, - деди ал.

Мындан тышкары Норов белгилегендей, ШКУ миссиясынын шайлоо тилкелеринде байкоо жүргүзүү учурунда талапкерлердин ыйгарым укуктуу өкүлдөрүнөн эч кандай даттануулар түшкөн жок.

Пикир

Оставить комментарий