Бишкек, 11.06.20. /Кабар/. Тоң районунда мөндүрдөн чарба өсүмдүктөрү жабыркады. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, Ысык-Көл облусунун Тоң районуна караштуу Көл-Төр айыл аймагында 2020-жылдын 10-июнь күнү саат 14:20 чамасында кыска убакыт жаап өткөн жамгыр аралаш мөндүрдүн кесепетинен Көл-Төр, Коңур-Өлөң, Тогуз-Булак айылдарындагы чарба өсүмдүктөрүнө зыян келтирилген. Турак үйлөр жана жолдор жабыркаган эмес.
10-июнь күнү райондук Жарандык коргонуу комиссиясы тарабынан тактоо иш-чаралары жүргүзүлгөн.
Кошумча тактоо иш-чаралары бүгүн, 11-июнда улантылат.
Пикир
Оставить комментарий