Бишкек, 29.03.22. /Кабар/. Жалал-Абад шаардык өзгөчө кырдаалдар бөлүмүнө 2 өрт өчүрүүчү унаа тапшырылды. Бул тууралуу Жалал-Абад шаардык мэриясынын басма сөз кызматы билдирет.
Маалыматка ылайык, заманбап өрт өчүрүүчү автоунаалар менен бүгүн, 29-мартта президенттин Жалал-Абад облусундагы өкүлү Абсаттар Сыргабаев, шаар мэри Эрнисбек Ормоков, ӨКМ башчысынын орун басары Эделбек Маматкулов, ӨКМдин облустук башкармалыгынын жана шаардык бөлүмүнүн жетекчилери менен биргеликте таанышып чыкты.
Россиядан чыгарылган КамАЗ АЦ-6-40 үлгүсүндөгү өрт өчүрүүчү унаалар акыркы үлгүдөгү өрт өчүрүүчү жабдыктар менен жабдылып, өзүндө 6 тонна суу алып жүрөт.
Аталган техникалардан Жалал-Абад облусуна жалпы 5 даана келген болсо, анын экөө Жалал-Абад шаардык өзгөчө кырдаалдар бөлүмүнө берилди.
Эске салсак, шаардагы өрт өчүрүүчү унаалар акыркы жолу 2009-жылы жаңыртылган.
Пикир
Оставить комментарий