Бишкек, 27.03.24. /Кабар/. Күн мурун, 26-мартта Жалал-Абад шаарында Улуу Ата Мекендик согуштун жалгыз ардагери Сафин Гаффан жерге берилди. Ардагер 25-мартта 99 жашында дүйнө салган.
Акыркы сапарга узатуу зыйнатына Жалал-Абад шаардык кеңешинин төрагасы Нуртилек Орозбаев, мэрдин орун басары Гүлбарчын Таштанбекова, Ош шаарындагы Россиянын Башкы консулдугунун консулу Константин Бахтин, президенттин Жалал-Абад облусундагы ыйгарым укуктуу өкүлчүлүгүнүн жана шаардагы мекеме-ишканалардын кызматкерлери, аскер кызматкерлери, шаар тургундары катышты.
Алар ардагердин эрдигине токтолуп, маркумдун үй-бүлөсүнө жана жакындарына көңүл айтышты.
Кошумчалай кетсек, Улуу Ата Мекендик согуштун ардагери Сафин Гаффан Башкыр АССРинде туулган. Советтик Армиянын катарында 1943-жылдан тарта кызмат өтөгөн. Ал Жалал-Абадга 1954-жылы көчүп келген.
Ардагер Улуу Ата Мекендик согуштун II даражадагы, "Германияны жеңүү" жана башка медалдар менен сыйланган.
Пикир
Оставить комментарий