Чек арадагы чыр: 11 аскер кызматкери жабыркады

Бишкек, 28.01.22. /Кабар/. Кыргыз-тажик чек арасындагы чырдын кесепетинен 11 кыргыз аскери жабыркады. Бул тууралуу “Кабар” агенттигине Саламаттык сактоо министрлигинин басма сөз кызматы билдирет.

Маалыматка ылайык, төрт адам сынган бөлүкчөлөрдөн жараат алса, экөөнө ок тийген.

“Жаракат алгандардын абалдары орточо оор деп бааланууда”, - деп айтылат билдирүүдө.

Маалым болгондой, Ош облустук бириккен ооруканасынан нейрохирург, травматолог, хирург жана торакалдык хирургдардан турган медициналык адистердин эки бригадасы медициналык жардам көрсөтүү үчүн жөнөп кетти.