Бишкек, 23.07.19. /Кабар/. КР экономика министринин орун басарлыгына Султан Ахматов дайындалды. Тиешелүү буйрукка премьер-министр Мухаммедкалый Абылгазиев кол койду, - деп билдирет аталган министрликтин басма сөз кызматы .
Маалыматка ылайык, бүгүн Султан Ахматовду Кыргыз Республикасынын өкмөтүнүн аппарат жетекчиси – министр Самат Кылжыев жана министр Санжар Муканбетов министрликтин жалпы жамаатына тааныштырышкан.
"Султан Ахматов өз ишин билген тажрыйбалуу адис. Өлкө экономикасынын өнүгүшү үчүн болгон күч-аракеттерин жумшайт деген ишенимдебиз", - деген С.Кылжыев.
Белгилей кетсек, министрдин мурдагы орун басары Эльдар Абакиров башка кызматка өткөндүгүнө байланыштуу экономика министринин орун басарлыгынан бошотулган.
Пикир
Оставить комментарий