Forbes эң көп акча тапкан атактуулардын рейтингин жарыялады

Бишкек, 11.07.19. /Кабар/. Американын Forbes басылмасы эң көп акча тапкан белгилүү адамдардын быйылкы рейтингин жарыялады.

Бул жылы тизменин сап башына ырчы жана актриса Тейлор Свифт жайгашкан.Анын бир жылдык кирешеси 185 миллион долларды түзгөн.

Экинчи орунга Ким Кардашьяндын сиңдиси, «Кардашьяндар үй-бүлөсү» реалити-шоусунун катышуучусу Кайли Женнер жазылган. Ал бир жыл ичинде 170 миллион доллар тапкан.

Рейтингдин үчүнчү сабына 150 миллион доллары менен рэпер Канье Уэст жайгашса, төртүнчү орунга бир жылда 127 миллион доллар киреше тапкан футболчу Леонель Месси жазылган. Булардан тышкары алдыңкы бештикке британ ырчысы Эд Ширан кирген. Анын бир жылдык кирешеси 110 миллион долларга жеткен.