Бишкек, 22.02.21. /Кабар/. АК-12 автоматтарынын топтому Армения менен Казакстанга жеткирилди, автоматка Беларус дагы кызыгып жатканын билдирди. Бул тууралуу «Калашников» концернинин директору Дмитрий Тарасов маалымдады.
Тарасов Бириккен Араб Эмираттарында өткөн курал-жарак көргөзмөсүндө журналисттерге: «АК-12де 5,45 калибриндеги ок колдонулгандыктан, дал ушул калибрдеги окту пайдаланган жакынкы чет өлкөлөр кызыкчылыгын билдиришүүдө», – деди.
20-февралда АК-12 менен АК-15 экспортко чыкканы кабарланган. АК-12 – аскердик, АК-15 – атайын бөлүккө ылайыкташтырылган автомат.
«Калашников» концерни көзгө атарлардан тартып, автомат, замбирекке чейинки аскердик курал-жарактарды өндүрөт. Мындан тышкары концерн мергенчилик, спорттук винтовкаларды, мотоциклдерди да сатат.
Пикир
Оставить комментарий