Бишкек, 20.09.18 /Кабар/. Кыргыз-кытай чек арасындагы “Торугарт унаа жолу” жана “Иркештам унаа жолу” бекеттери 22нен 24-сентябрга чейин убактылуу жабылат. Бул тууралуу КР Мамлекеттик чек ара кызматынын коомчулук жана ЖМК менен байланыш бөлүмү билдирди.
Маалыматка ылайык, чек ара Кытай тараптын демилгеси менен Чжунцю - Кытайдагы Ай жана эгин майрамына карата жабылууда.
Мамлекеттик чек аранын кыргыз-кытай тилкесиндеги өткөрүү пункту аркылуу адамдарды, транспорттук унааларды өткөрүү 2018-жылдын 25-сентябрында калыбына келтирилет.
Пикир
Оставить комментарий