Бишкек, 23.09.22. /Кабар/. Кыргызстанда жашаган этникалык тажик Баракатулло Садыков журналисттер менен болгон жолугушууда Тажикстандын Тышкы иштер министрлигинин тажик улутундагыларга кысым болуп жатат деген билдирүүсүн төгүндөдү.
«Мен, Садыков Баракатулло Тажикстанда туулгам, бирок кийин үй-бүлөм менен Кыргызстанга көчүп келгенмин. 30 жылдан бери ушул жерде жашайм жана бул өлкөнү өз үйүм деп атайм. Бул жылдар аралыгында мени жана үй-бүлөмө сөөмөйү менен көрсөтүп, улутубузга байланыштуу кемсинткен эч ким болгон эмес. Коомчулукта тажик улутундагыларды кысымга алып жатышат деген билдирүүлөр чагым», - деди ал.
Пикир
Оставить комментарий