Бишкек, 16.01.24. /Кабар/. 2023-жылы Санариптик өнүктүрүү министрлигинин 119 колл-борбору 253 миңден ашык чалуу кабыл алган, бул 2022-жылга салыштырмалуу 8 400 чалууга көбүрөөк.
Ведомстводон билдиришкендей, ошондой эле жарандарга, анын ичинде чет өлкөлөрдөгү жарандарга консультациялык маалымат берүү үчүн атайын онлайн-чаттар уюштурулган, анын негизинде 23 миңден ашык кайрылуу иштелип чыккан.
Апрель айында чалуулардын максималдуу саны катталган – 24 072.
Жарандар 2023-жылы көбүнчө төмөнкү 5 маселе боюнча кайрылышкан:
- Паспорт – 137 766;
- Жарандык абалдарынын актыларын каттоо – 37 930;
- Булутка негизделген электрондук кол тамгасын алуу – 28 522;
- “Түндүк” тиркемеси боюнча – 18 657;
- Техникалык өтүнмөлөр – 14 880.
Операторлор маалыматты мамлекеттик жана расмий тилдерде беришет. 119 номери боюнча министрликтин бардык бөлүмдөрүнүн иши боюнча арыз же сунуш калтырса болот. Кыргызстандын бардык байланыш операторлоруна чалуу – акысыз жүргүзүлөт.
Пикир
Оставить комментарий