Бишкек, 24.04.20. /Кабар/. Польшадан келген медкызматкерлер Бишкектеги ишин жыйынтыктады. Бул тууралуу Республикалык штабдан билдиришти.
Польшалык топтун координатору жана жетекчиси Михал Мадейски белгилегендей, COVID-19 вирусу бар бейтаптарды дарылоодогу кыргызстандык дарыгерлердин методикасы менен ыкмалары Польшада жана Италияда пайдаланылган методикаларга окшош.
Эскерте кетсек, 19-апрелде Дүйнөлүк саламаттык сактоо уюмунун линиясы боюнча Польшадан курамында 8 медициналык кызматкерден турган топ Бишкекке келген. Алар атамекендик медициналык кызматкерлерге Бишкек, Ош жана Жалал-Абад шаарларында коронавирустук инфекцияга каршы күрөшүүдө көмөк көрсөтүүдө.
Ошондой эле 20-апрелде Кытайдан Кыргызстанга медициналык кызматкерлердин тобу келген. Кытай медиктери атамекендик адистерге коронавирус инфекциясына каршы күрөшүүдө көмөк көрсөтүп, топтолгон тажрыйбасы менен бөлүшүүдө.
Пикир
Оставить комментарий