Бишкек, 13.09.23. /Кабар/. Талас шаарында Кара-Кече көмүрүнүн тоннасы 5 миң 600 сомдон сатылууда.
Шаардык мэриядан билдиришкендей, күз-кыш мезгилине карата даярдык көрүү максатында бүгүнкү күндө көмүрдү Кара-Кече кенинен Талас шаарына ташып келүү кызуу жүрүүдө.
Учурда Талас шаарындагы көмүр отун базасында көмүрдүн 1 тоннасы 5 миң 600 сомдон сатылып жатат.
Белгилей кетсек, былтыр ушул маалда Талас шаарында 1 тонна көмүрдүн баасы 5 миң 200 сомду түзгөн. Быйыл көмүрдүн баасынын көтөрүлүшү күйүүчүчү майга баанын жогорулашына байланыштуу болууда.
Пикир
Оставить комментарий