Бишкек, 14.12.23. /Кабар/. 2023-2024 АФК Кубогунун тайпалык этабынын бешинчи турунун алкагында Канттын "Абдыш-Ата" футбол клубу түркмөнстандык "Мерв" клубу менен оюнда кез келет. Бул тууралуу Кыргыз футбол союзунан билдиришти.
Беттеш бүгүн Бишкектеги Дөлөн Өмүрзаков атындагы стадиондо өтөт. Башталышы саат 16:00.
Оюн УТРК Спорт каналында түз алып көрсөтүлөт. Билеттер kassir.kg сайтында жеткиликтүү.
Эске салсак, 5-турдан кийин "Абдыш-Ата" 13 упай менен "Е" тайпасынын турнирдик жадыбалынын сап башында туруп, мөөнөттөн мурун турнирдин кийинки - плей-офф баскычына чыккан.
Эскерте кетсек, ата-мекендик клубдар арасында канттык команда АФК Кубогунун плей-офф баскычына жеткен алгачкы клуб болду.
Тайпалык этап аяктаган соң интерзоналдык жарым финал (2024-жылдын 6-7, 13-14 март күндөрү) жана интерзоналдык финалдын оюндары өтөт (17 жана 24-апрель күндөрү), аталган оюндар "үйдө жана конокто" форматында уюштурулат. Андан соң, башкы финалдык беттеш 2024-жылдын 5-майында орун алат.
-
Пикир
Оставить комментарий